عرب ديكور عرب ديكور
random

آخر الأخبار

random
random
جاري التحميل ...

8 نصائح لجعل تصميم البلكونة اجمل بشكل مميز وعصري

"البلكونة"
مين فينا مقضاش أحلى الأوقات في البلكونة، وقفة البلكونة بليل، ووقت الشمس ما بتطلع، لمتنا في إجازة الصيف في البلكونة قدام التلفزيون اللي حطيناه مخصوص في البلكونة عشان نتابع المسلسل المفضل أو فيلم السهرة في الهواء الطلق، ولا الأكل المشوي عالشواية اللي مينفعش طبعا جوا البيت ولازم في هوا البلكونة، وطبعا مش هننسى وقت ما كنا نحب نغير روتين المذاكرة فناخد كتبنا وأدواتنا ونروح عالبلكونة، ولا وقت لعب الكوتشينة والسلم والتعبان والدومنة والشطرنج اللي ميحلوش غير في السهرة بليل في البلكونة.

كل دة عملناه وأكتر في بلكوناتنا المتواضعة، واللى على قد ما كانت أحلى مكان في الشقة على قد ما كانت اكتر مكان مليان كراكيب، ولازم أي حاجة مش محتاجاها الست الوالدة تقوم شايلاها في البلكونة.


النهاردة هنحاول نقولكم بعض النصائح والأفكار اللي نقدر نخلي بيها بلكوناتنا أحلى وأحلى، ونقدر نستعيد ذكرياتنا فيها وهي بشكل جميل وعصري، من غير ما حاجة تعكر مزاجنا، جاهزين تسمعوا النصائح، يلا بينا ....

1- أول حاجة هي النباتات؛ إضافة بسيطة وهتضيف لبلكونتك شكل رائع؛ وممكن اضافتها بأشكال مختلفة، اختاري نباتات بأطوال وأحجام مختلفة، و ضعي الأحجام الطويلة في أركان البلكونة، و ضعي الأحجام الصغيرة جنب بعضها بشكل متناسق إما بالطول أو اما بالعرض، وكمان اصيصات الزرع بتوفر مساحة كبيرة من حجم البلكونة، خاصة لو وضعتيها بجانب بعضها حول سور البلكونة 

طريقة وضع اصيصات الزرع بالبلكونة
تنظيم اصيصات الزرع  بالبلكونة
تنظيم اصيصات الزرع حول سور البلكونة
تنظيم أرفف البلكونة
وضع اصيص الزرع داخل دولاب بشكل مرتب
طاولة بثلاث كراسي تناسب وضعها في البلكونة
أنتريه للبلكونة بشكل جميل
ركنة داخل البلكونة
استخدام المخدات للجلوس عليها
شكل آخر لوضع المخدات على الارض
استخدام العشب الصناعي في فرش أرضية البلكونة
افكار لوضع المصابيح والسبوتات داخل البلكونة
ألوان متعددة لاصيص الزرع
بلكونة جميلة بألوان متعددة مشرقة وجذابة




2- تاني حاجة الأرفف المعلقة ممكن تحتاجيها في وضع بعض الأغراض، وكمان ممكن تستخدميها في وضع اصيصات الزرع واللى هتبين البلكونة بشكل مميز وجذاب.



3- لو مساحة البلكونة عندك تسمح إنك تضيفي مائدة صغيرة بثلاث كراسي أو كرسيين فقط فهيبقى منظر جميل، وتغيير عشان لو حبيتي انتى والأسرة تتناولوا الوجبات في الهواء الطلق


 



4- متتردديش في إضافة لمساتك البسيطة واللى هتسمحلك بالراحة وقضاء وقت ممتع مع اسرتك أو مع نفسك في قراءة كتاب أو شرب القهوة بمزاج، فممكن وضع انتريه صغير، او ثلاث كراسي أو كرسيان لو كانت مساحة البلكونة صغيرة، وامامها طاولة صغيرة لوضع الأغراض.




5- ممكن تستخدمي المخدات الصغيرة أو متنوعة الأحجام على الأرض للجلوس، مع وضع طاولة صغيرة على الجانب لوضع المشروبات عليها، وكمان متنسيش تضيفي لمستك بوضع زهرية أو تابلوه في مكان مناسب


6- متسبيش الأرضية عارية تمامًا من السجاد، وحطي سجادة صغيرة أو موكيت، وكمان ممكن تفرش بلكونتك بالعشب الصناعي وتخليها زي الحديقة بالظبط


7- نيجي للاضاءة واللمسات الأخيرة للبلكونة؛ فمن الجميل انك تهتم بوضع المصابيح والسبوتات وتوزعها بشكل مناسب في البلكونة، عشان تساعدك في الإضاءة بليل وتكون عامل إضافي بجانب الإضاءة الأساسية، وكمان ممكن تحطي مصابيح الاضاءة على الأرض بأحجام مختلفة، أو تعلقيها زي مهو واضح في الصورة



8- ألوان البلكونة من الحاجات المهمة جدا واللي هتفرق في شكل البلكونة، اختاري الألوان الفاتحة والمشرقة، زي اللبني والأكوا والبينك والموف والأورانج، وكمان ضيفي الألوان اللى تعجبك في ألوان اصيصات الزرع أو الأرفف او الكراسي



_________________
 نصائح,لتصميم,البلكونة,نصائح,لتحسين,شكل,البلكونة,افكار,جديدة,جدا,للبلكونة,العصرية,تنظيم,اصيصات,الزرع,داخل,البلكونة,الاضاءة,داخل,البلكونة,استغلال,مساحة,البلكونة,نصائح,لجعل,تصميم,البلكونة,اجمل,بشكل,حديث,وعصري

عن الكاتب

Amal Ahmed

التعليقات


اتصل بنا

إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع السريع ليصلك جديد الموقع أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

عرب ديكور